笑得唔好睇?缺陷牙齒救星 –箍牙醫生同植牙醫生

透過植牙醫生幫你找回牙齒最基本功能

牙齒整唔整齊對笑容同外觀好重要,另一樣大家忽略既牙齒功能就係幫助人類進食,吸收營養。進一步而言,牙齒唔能夠發揮咀嚼功能,人類生存條件分分鐘受限。

所以唔好以為植牙醫生既職責只係幫我地整靚牙齒,仲係幫我地保障最基本生存功能 – 進食。

植牙醫生做甚麼

當有人因為種種原因而失去牙齒既時候,就要搵植牙醫生幫手。

透過植牙醫生可以用以下2個方法幫助病人補回失去既牙齒:

1. 活動牙托

2. 牙齒鑲植

第一種活動牙托可以係長者身上常見,係非常傳統既方法,用一副假牙去代替原本既牙齒。壞處就係,係配戴初期,需要磨合期,而且活動牙托可能因為容易走位而對口腔造成摩擦,令到用家覺得唔舒服,甚至磨損牙肉。

現今科技先進,植牙醫生一般會建議用微創植牙來解決缺牙問題。

植牙就係一副固定假牙,植牙醫生會先以鈦金屬作為植體,植入牙床骨入面,當作一個支撐體,然後裝上牙橋。之後醫生會要求病人等3-6個月等植同牙骨生埋,最後就會裝上牙套。

利用微創方法黎進行,傷口細,完成手術之後紅腫情況會減低,復完會更快。

我曾經詢問醫生,雖然微創植牙係一個好好既手術方法,但有病人會牙骨不足,所以唔能夠進行微創手術,只能夠選擇傳統開刀方法。

詳情可以同你既植牙醫生討論之後再決定。

箍牙醫生 – 你的笑容救星

箍牙醫生可能係你在牙醫診所入面,最想見到既醫生。因為主理箍牙醫生就係主宰住你2年後會唔會有燦爛笑容既關鍵人物。

首先,為何我地會需要箍牙醫生呢?因為我地需要矯正唔夠美觀既牙齒。

咬合不正是最常見,令到牙齒唔齊、哨牙、暴牙、唔夠牙、倒及牙既原因。或者你對以上一系列牙科學名唔係太了解,只要記得凡有以上情況,都會令到牙齒笑起來唔美觀就可以了。好在有矯正牙齒呢個方法挽救。

如果你發覺自己唔係太喜歡笑,更加唔太喜歡影相,因為覺得笑起來牙齒好礙眼,就好可能需要搵箍牙醫生幫幫手了。

一個專業既箍牙醫生會幫你從面部輪廓開始分析,然後規劃應該拔幾多隻牙、牙齒矯正療程要點做,最後幫你微調到面型最好睇既狀態。

箍牙醫生既魔法牙套

以前細個見到同學戴鋼箍,現在則時下流行隱形牙套,無論用邊一種方法,原理都係透過外在拉力令到牙齒移位,等牙齒排列比療程之前整齊。

箍牙醫生會視乎你既牙齒狀況,以及需要矯正幅度為標準,建議你做傳統鋼箍還是隱形牙套。

由於每個人需要矯正既程度唔一樣,所以可能未必能夠用到透明牙套。隱形牙套係牙齒矯正過程當中,固然比較美觀,但如果牙齒非常唔整齊,需要「大執」,需要沿用傳統鋼箍都不無可能。

熱門文章